Градежен Институт Македонија- Спој на традиција, знаење,искуство и квалитет
Основан во 1975 година, Градежен Институт Македонија за време на период од 4 децении создаде уникатен бренд кој нуди услуги во сите области на градежништвото почнувајќи од планирање, истражување, проектирање, ревизија на проекти, надзор над изградба, лабораториска контрола на квалитет, па се до изведба на специјалистички работи и консалтинг. ГИМ цели 42 години постојано инвестира во развојна мрежа и стратегија која се базира на иновативност, квалитет и тимска работа.
Градежен Институт Македонија е позициониран во сегментот градежништво со сета палета на услуги кои тука припаѓаат. Опсегот на услуги опфаќа изработка на проектна документација за секаков вид објекти, студии за оправданост, еколошки студии и елаборати, техничка ревизија на проектна документација, вршење надзор над изградба на објекти, управување со изградба по систем инженеринг, изведба на геолошки,хидрогеолошки и геотехнички истражни работи, лабораториска контрола на квалитет на градежни работи и материјали и изведба на специјалистички работи. Поради ваквата конципираност и видот на услугите кои се нудат команијата е единствена од ваков тип, не само на домашниот пазар туку и пошироко во регинот и е препознатлива под мотото “се на едно место“.
Компанијата брои повеќе од 280 вработени, од кои 111 се инженери од сите профили ( дел од нив магистри и доктори на науки), градежништво, архитектура, геологија, геодезија, машинство, електротехника, екологија, хемија и технологија. ГИМ е сертифицирана компанија која ги поседува потребните ИСО стандарди за квалитет, за управување со животна средина, за безбедбост и здравје при работа како и сертификат за акредитирана лабораторија за испитување на градежни материјали. Единствена компанија која има основано свое сертификационо тело. Градежниот Институт е компанија која има голем пазарен удел на проектите во Македонија, како и соработка и учество на пазарите во регионот и тоа пред се во: Босна и Херцеговина, Црна Гора и Србија, каде има и свои претставништва.
Градежен Институт Македонија е компанија која постојано вложува во едукација, истражување и развој. Како најголем дострел на општествената одговорност, Градежниот институт Македонија во 2014 година го основаше Научниот институт за истражување во животната средина, градежништвото и енергетиката ИЕГЕ. Научниот институт е фокусиран на активности од животната средина, градежништвото, енергетиката и другите сродни природни и општествени области. Тој претставува центар за извонредност кој има мисија преку колаборативно партнерство да го зголеми истражувачкиот и иновативниот потенцијал на човечкиот капитал со цел остварување на додадена вредност и конкурентска предност кај институциите.
